Misioni i përmbushur për Napolin, që mundi Bragën dhe fluturoi në 1/8 pas Real Madrid. Diçka më pak për Inter, që u ndal në shtëpi nga Real Sociedad dhe la spanjollët në vendin e parë në grup. Dy të kualifikuara si vend i dytë që i ‘dhuron' italianëve një shans vërtetë drithërues për shortin e 18 dhjetorit. Si Inter, ashtu dhe Napoli, sido që ta shohësh, sigurisht që nuk do të kenë një përballje të thjeshtë. Në pritje të ndeshjeve të sotme, emrat e skuadrave të kualifikuara si të para në grupet e tyre të fusin tmerrin vetëm duke i lexuar: Bayern Munich, Arsenal, Real Madrid dhe Manchester City.
KUNDËRSHTARËT E MUNDSHËM PËR INTER
Një poker i emrave të mëdhenj të futbollit evropian, të cilëve me shumë gjasa do t'i bashkohen edhe spanjollët Barcelona e Atletico Madrid (duke përjashtuar një sukses të Lazios në Wanda). Blaugranat dhe Colchoneros do të përballen me 90' e fundit të fazës së parë me dy rezultate nga tre në dispozicion. Kundërshtari i fundit i mundshëm do të jetë mes Borussia Dortmund dhe PSG, të cilët do të sfidohen në Gjermani për vendin e parë në grup, me gjermanët gjithashtu në vend të parë edhe nëse barazojnë.
KUNDËRSHTARËT E MUNDSHËM PËR NAPOLIN
KUR HIDHET SHORTI I 1/8 TË CHAMPIONS?
Shorti për raundin e parë me eliminim direkt për edicionin 2023/24 do të zhvillohet në Nyon, në selinë e UEFA-s, të hënën në 18 dhjetor në orën 12.
DATAT E 1/8 TË CHAMPIONS LEAGUE
Takimet e vajtjes do të luhen në 13, 14, 20 e 21 shkurt 2024. Ato të kthimit në 5, 16, 12 e 13 mars.
