Video/ Presidenti i Ankaragucu rreh me grushta arbitrin në fushë: Turqia pezullon kampionatit

Turqia është zhytur në kaos. Pas agresionit ndaj arbitrit Halil Umut Meler, i rrahur nga presidenti i Ankaragucu, Faruk Koca, është ndërprerë kampionati. Numri 1 i klubit u fut në fushë pasi ekipi i tij pësoi golin e 1-1 në minutën e 97’ në ndeshjen e Superligës kundër Caykur Rizespor dhe goditi me grusht arbitrin. Nga këtu, drejtuesit turq vendosën të pezullojnë të gjitha kampionatet për një kohë të pacaktuar. Përveç grushtit të Presidentit Koca, Meler mori goditje nga persona të tjera, teksa ishte në tokë dhe përfundoi i shtruar në spital. “Ndeshjet e të gjitha kampionateve janë shtyrë për një kohë të pacaktuar”, tha në një konferencë për media presidenti i TFF-së, Federata Turke e Futbollit, Mehmet Buyukeksi. Meler, 37 vjeç, është një nga zyrtarët më të mirë të ndeshjeve në Turqi dhe një arbitër ndërkombëtar. Episodi u transmetua drejtpërdrejt në televizion e kështu nuk ka asnjë vend për keqkuptim. Në imazhe shihet qartë presidenti i klubit të Ankarasë, Faruk Koca duke goditur me grusht në fytyrë Meler. Pasi ai ra në tokë, arbitri u mblodh duke u përpjekur të mbrohej, por u godit disa herë në fytyrë nga të paktën dy pesona të tjerë, me sa duket anëtarë të ekipit vendas.

#Turchia: il presidente dell'#Ankaragucu, Faruk #Koca, ha colpito l'arbitro con un pugno dopo il pari del #Rizespor nei minuti di recupero del match di #SuperLig. L’internazionale #Meler, una volta a terra, raggiunto anche da alcuni calci ? pic.twitter.com/cvJCedSj0e

— Mirko Nicolino (@mirkonicolino) December 11, 2023

REAGIMI I SHTETIT TURK

Ministri i Brendshëm turk Ali Yerlikaya njoftoi në X arrestimin e tre personave, përfshirë presidentin e Ankaragucu. TFF-ja vendosi pak më pas të “shtyjë për një kohë të pacaktuar” të gjitha ndeshjet e kampionatit. Duke denoncuar një "mbrëmje të zezë" për futbollin turk, Shoqata e Arbitrave të Turqisë theksoi se "përgjegjësit për futbollin dhe drejtësinë turke do të marrin të gjitha masat e nevojshme kriminale". "I kërkojmë falje tifozëve dhe gjithë komunitetit sportiv për këtë incident të trishtuar," tha klubi i Ankaragucu nga ana e saj. Duke demonstruar rezonancën ekstreme të këtij akti dhune, presidenti turk Rexhep Tajip Erdogan reagoi gjithashtu: "Dënoj sulmin ndaj gjyqtarit Halil Umut Meler. Nuk do të lejojmë kurrë që dhuna të ndërhyjë në sportin turk", tha ai. AKP, partia konservatore islamike e Erdoganit, ka nisur procedurat e përjashtimit kundër Koca, sipas kanalit publik turk TRT Haber. Presidenti i Ankaragucu ishte zgjedhur dy herë si deputet i AKP-së, në 2002 dhe 2007.