Nëse ai top që goditi Barella në vend që të përfundonte në shtyllë... Inter vazhdon të mendojë si do të kishte qenë situata nëse 3-3 kundër Benfica të përfundonte në një 3-4 të bujshëm. Zikaltrit jo vetëm do të merrnin një fitore të jashtëzakonshme, por edhe mundësinë për të luajtur për dy rezultate nga tre kundër Real Sociedad. Sidoqoftë, mbrëmjen e së martës nuk ka përllogaritje për të bërë. Për skuadrën e Simone Inzaghi, ndaj spanjollëve, vlen vetëm fitorja për të zënë vendin e parë në grup. Në fakt, renditja e sheh Inter dhe Real Sociedad me 11 pikë, por baskët kanë një diferencë golash më të mirë. E ndoshta, asnjëherë si ky vit, përfundimi në krye nuk mund të garantonte një raund më të butë të 1/8.
NËSE RENDITET I PARI
Për momentin, duke përfunduar në vendin e parë, Inter do të gjente veten përballë PSV-së (i dyti në Grupin B), Leipzig (i dyti në Grupin G), Porto ose Shakhtar që luajnë 1/8 në Grupin H pas Barcelonës (blaugranat kanë +7 në diferencë golash që në thelb i mbron nga surprizat e pakëndshme), Kopenhagen ose Galatasaray ose Manchester United ende në garë në grupin A, Braga në rastin (e largët) kur portugezët kalojnë Napolin në grupin C, duke i mposhtur me të paktën dy gola diferencë, Atletico Madrid nëse humbet epërsinë dhe del i mundur nga ndeshja në shtëpi kundër Lazios dhe një betejë mes Dortmundit (i pari por jo aritmetikisht) PSG dhe Newcastle nëse Milani nuk fiton kualifikimin në grupin F si vend i dytë.
NËSE RENDITET I DYTI
Pavarësisht paqartësive ende të pazgjidhura të renditjes, është një perspektivë sigurisht më e mirë nëse krahasohet me atë që do të lindte në rastin e vendit të dytë. Në vazon e kundërshtarëve, Interi me siguri do të gjente Bayern, Manchester City, Real Madrid dhe Arsenal, me shumë mundësi Barcelonën plus Atletico Madrid nëse nuk humbasin kundër Lazios dhe një mes Dortmundit e PSG-së.
Lexo më tej: Video/ Inter i papërmbajtshëm! Poker ndaj Udineses e parakalim i ri ndaj Juventus
FORMACIONI I MUNDSHËM
Sa i përket fushës, Inter u stërvit sot në drekë dhe nga të dhënat e para të marra, Simone Inzaghi mund të rreshtojë një formacion të rishikuar pas ndeshjes së kampionatit kundër Udinese. Trajneri i zikaltërve në fakt testoi Sanchez përkrah Thuram, me aktivizimin nga pankina të Lautaro. Ndërsa në krahun e djathtë është gati Cuadrado, me Darmian të destinuar përsëri në treshen mbrojtëse. Në mesfushë Frattesi është i favorizuar ndaj Barella. Me ish-lojtarin e Sassuolos do të jenë edhe Calahnoglu dhe Mkhitaryan. Në të majtë ka një balotazh mes Dimarco dhe Carlos Augusto. Braziliani, megjithatë, u vendos edhe sot në mbrojtje, si një alternativë ndaj Bastonit së bashku me Acerbi.
