Ibrahimovic te Milan, akti i tretë. Suedezi, i cili shpalli lamtumirën e tij me futbollin qershorin e kaluar, rikthehet sërish te kuqezinjtë. Këtë herë si drejtues, konkretisht si këshilltar i lartë i pronarëve amerikanë. Në deklaratën e publikuar nga fondi thuhet si më poshtë: “RedBird sot njoftoi emërimin e Zlatan Ibrahimović si Partner Operativ për portofolin e tij të investimeve në sektorët e Sportit, Medias dhe Argëtimit. Në këtë cilësi, ai do të mbulojë edhe rolin e Senior Advisor të Pronarëve dhe Senior Management të AC Milan”.
Tashmë mbetet të kuptohet se cili do të jetë roli konkret brenda klubit. Kjo do të thotë se sa do të jetë në kontakt me ekipin dhe çfarë lloj mbështetjeje do të jetë në gjendje t'i japë trajnerit. Marrëdhëniet me teknikun Pioli janë të shkëlqyera dhe në horizont, si hipotezojnë dashakeqët, nuk ka asnjë ide zëvendësimi.
KOMUNIKATA E REDBIRD
"Me emërimin e tij në RedBird, Ibrahimovic do të nisë karrierën e tij jashtë fushës si pjesë e një prej investitorëve më prolifikë dhe më të suksesshëm në fushën e sportit dhe medias në nivel global - vazhdon deklarata -. Ibra është një personazh emri i të cilit zhurmon shumë përtej kufijve të fushës së futbollit. Shkathtësia e tij në fushë e ka lejuar atë të ndërtojë një markë globale si një sipërmarrës, autor i botuar, specialist marketingu dhe reklamimi dhe investitor”.
Lexo më tej: Video/ Muriel gol me takë në minutën e 95': Milan rrëzohet ndaj Atalantës, largohet kreu
“Me 123 milionë ndjekës në mediat sociale, Ibra është një ndikues global me shtrirje të padiskutueshme. Në kualitetin e Partnerit Operativ të RedBird, Ibra do të bashkëpunojë me ekipin global të investimeve të kompanisë në mbështetjen e portofolit ekzistues të investimeve të RedBird në sport, media dhe argëtim. Ai do të ndihmojë në burimin dhe vlerësimin e mundësive të reja investimi për kompaninë dhe do të këshillojë kompanitë e portofolit RedBird mbi projektet komerciale, strategjitë e përmbajtjes dixhitale dhe iniciativat strategjike të ndërtimit të markave për të zgjeruar praninë e tyre në një bazë globale".
