Pavarësisht nga një ndeshje të dominuar nga fishkëllima e parë, me përjashtim të disa inkursioneve friulane, Inter pati nevojë për një penallti për të kapërcyer fortesën bardhezi. Një penallti që shpërtheu polemikat, në kontaktin mes Perez dhe Lautaro Martinez, në harkimin e Dimarco, që fillimisht u gjykua si i rregullt nga Di Bello.
Ndërhyrja e VAR ishte e nevojshme për të bërë që arbitri i ndeshjes të ndryshonte mendje. Pas rishikimit të monitorit, Di Bello dekretoi penalltinë në favor të skuadrës së Simone Inzaghi. Megjithatë, vendimi i Di Bello nuk u pëlqeu të gjithëve dhe ka nga ata që kujtuan një episod të ndodhur fundjavën e kaluar me Inter sërish si protagonist. Në kontaktin Acerbi-Osimhen, VAR nuk ndërhyri.
PENALLTI ÇDO DY NDESHJE PËR INTER
Penalltia e shtatë në 15 javë kampionati për Inter, që ndaj Udinese kaloi në avantazh nga pika e bardhë, shënuar nga Hakan Calhanoglu. Por polemikat shpërthyen menjëherë në mediat sociale. Më tepër se te vetë penalltia, tifozët protestojnë për përdorimin e VAR. “Ajo mbi Lautaro është një penallti e pastër”, thotë Graziano Cesari, i cili shton: “Sulmuesi argjentinas ishte në një pozicion të favorshëm në sprint dhe u ndalua me faull. Një gabim i qartë dhe i dukshëm që arbitrit Di Bello i shpëtoi”.
Zakonisht ne priremi të shmangim përdorimin e VAR në rast kontaktesh të lartë, duke vlerësuar vendimin e marrë në fushë. Por Di Bello ishte shumë prapa kontaktit mes Lautaro dhe Perez dhe, ndoshta për këtë arsye, në sallën e VAR vendosën që arbitri të rishikonte veprimin.
Këtë sezon arbitri puljez ishte protagonist i një tjetër mbajtje të pa sanksionuar: ajo e Iling Junior ndaj Ndoye në Juve-Bologna që kishte zemëruar aq shumë teknikun Thiago Motta. Në atë rast Di Bello nuk ishte thirrur mbrapsht dhe më pas u publikua biseda në dhomën e VAR-it: "Një moment. Mirë. Më trego një këndvështrim tjetër. Ok. Kjo. Jo për mua jo, kontrolli u krye".
