Një zbulim i bujshëm mund të ndryshojë letrat në tavolinë në çështjen e pozitivitetit me doping të Paul Pogba. Siç raporton Corriere della Sera, në fakt, nga kundër-analiza e bërë më 5 tetor rezultoi dicka tjetër. Substanca e gjetur në trupin e francezit, pas kontrollit të bërë me rastin e ndeshjes Udinese-Juventus nuk është testosteron, por Dhea. Akronimi është ai për dehydroepiandrosterone, një hormon steroid natyral endogjen i njohur zakonisht si "hormoni i rinisë". Bëhet fjalë sërish për një substancë të klasifikuar si doping dhe e ndaluar nga Wada për rreth dhjetë vjet. Sidoqoftë, janë disa karakteristika që mund të ndihmojnë mbrojtjen ligjore të francezit.
DIFERENCAT MES TESTOSTERONE E DHEA
Testosteroni dhe Dhea prodhojnë të njëjtat metabolitë dhe, në mungesë të një procedure specifike Wada për klasifikimin e produktit, raporti përfundimtar përmban fjalët "testosteron dhe metabolitët e tij". Megjithatë, falë identifikimit të atomeve të karbonit, u arrit të përcaktohet saktësisht substanca e dopingut gjatë kundër-analizës.
Lexo më tej: Deschamps është i sigurtë për mesfushorin: "Pogba nuk do merrte kurrë doping"
ÇFARË NDRYSHON PËR POGBA?
Testosteroni i pastër është një produkt i prapavijës, tani pothuajse mungon plotësisht në suplemente. Ndërsa Dhea (shitja e të cilit është e ndaluar në Itali që nga viti 2021, por tregtohet në shumë vende të tjera) është një kontaminator klasik i dhjetëra produkteve kundër plakjes dhe për përmirësimin e forcës së muskujve, e cila nuk është gjithmonë e pranishme në etiketë. Prandaj, avokatët e Pogba do të jenë në gjendje të mbështesin më lehtë tezën e suplementit të kontaminuar. Edhe pse - nënvizon Corriere della Sera - koha e marrjes së kësaj substance mund të datohet saktësisht. E, për këtë arsye, futbollisti duhet të sqarojë se kur dhe në çfarë sasie e mori produktin, për të shpresuar për një zbritje penaliteti. Sidoqoftë Paul ka ende shumë rrugë përpara se të kthehet në fushën e blertë.
