Juventus rrëmben derbin në javën e tetë të Serie A. Bardhezinjtë mundën Torinon 2-0, falë golave në fillim të pjesës së dytë të Federico Gatti (47') dhe Arkadiusz Milik (62'). Të dy golat erdhën nga zhvillimet e goditjeve të këndit, me granata të paaftë për të përmbajtur epërsinë ajrore të kundërshtarëve të tyre. Me këto tre pikë skuadra e Max Allegri ngjitet në 17 pikë, -2 nga Inter. Mbetet në kuotën e 9 pikëve, ndërkohë, Torino.
Pas gjashtë minutash lojë, Juventus kaloi njëherë në avantazh, por goli i Moise Kean u anulua për pozicion jashtë loje. Torino kishte më shumë topin në zotërim në fillim. E në minutën e 17' Lazaro tentoi fluturimthi, pa rezultat. Me kalimin e minutave, skuadra e teknikut Allegri e zhvendosi inercinë gjithnjë e më shumë në anën e tyre, por pa e bërë veten shumë të rrezikshëm përpara. Në bilbilin e dyfishtë skuadrat ishin ende të barabarta, pa gola, 0-0.
Lexo më tej: Po çfarë Kupe kemi ne: historia e mallkuar e Juventus në Champions në një libër
GODITJET ME KOKË "NDEROJNË" JUVEN
Në fillim të pjesës së dytë, bardhezinjtë zhbllokuan ndeshjen pas një goditje nga këndi. Në minutën e 47' Gatti gjeti devijimin fitues nga afër, por Massa e anuloi për pozicion jashtë loje. Pas një kontrolli të gjatë nga VAR (katër minuta) goli i mbrojtësit të Juventusit u vërtetua, duke e bërë 1-0 në minutën e 51'. Pasi kaluan në epërsi, Juventus u çlirua gjithnjë e më shumë. Në minutën e 60' Milik iu afrua dyfishimit të rezultatit, i ndalur nga Milinkovic-Savic. Pak çaste më vonë, sidoqoftë, polaku nuk gaboi. Goditje këndi e Kostic, e Milik i mori kohën mbrojtësit duke i cuar shifrat në 2-0 në minutën e 62'. Torino u zbeh me kalimin e minutave, duke mos mundur të rikuperonte diferencën. Zotërimi i topit nga skuadra e Juriç në fund ishte mjaft steril. Kështu, Juventus merr tre pikët e ngjitet në 17 pikë, -2 nga Inter. Torino, megjithatë, mbetet i mallkuar në derbi e i mbërthyer në 9 pikë.
