“As unë dhe jam i bindur as trajneri i Shqipërisë, nuk hyjmë në këtë ndeshje për të dalë barazim. Të dy skuadrat do të hyjnë në këtë ndeshje vetëm për të fituar”. Një frazë që Fernando Santos e thotë në hapje të konferencës për shtyp. Tekniku portugez i Polonisë e ka të qartë se do të ndeshet me një skuadër ndryshe nga ajo e vitit 2016, kur ishte në krye të Portugalisë: “Do të ndeshemi me një skuadër që ka cilësi të spikatura, është një skuadër që vazhdimisht përparon. Unë kam drejtuar një skuadër që është ndeshur me Shqipërinë para 2016 dhe jam mëse i vetëdijshëm për cilësinë që ka skuadra e Shqipërisë. Është një ekip që është i organizuar shumë mirë dhe sot ka cilësi shumë më të mira se disa vite më parë.
ELOZHE PËR TRAJNERIN SYLVINHO
Një vlerësim edhe për teknikun Sylvinho: “E njoh trajnerin kundërshtar. Më pëlqen loja e tyre, është e organizuar në fushë, në gjendje të sulmojë e di të mbrohet – shpjegoi Santos -. Mendojë se të dy skuadrat do të dalin në fushë vetëm për një rezultat, për fitoren”. Një rezultat që megjithatë nuk është se ngjan alternativë e vetme për Santos. “Jemi në futboll, aty gjithmonë dikush fiton e dikush humbet, është normale. Edhe humbja është pjesë e lojës. Por nëse skuadra do të fitojë, atëherë do të shohim në ndeshjet e radhës vetëm veten tonë. Ndërsa nëse humbim, do ta kemi mendjen edhe te skuadrat e tjera, do të varemi nga ata”.
Lexo më tej: Video/ Qazim Laçi nga flamurin e bardhë edhe për Poloninë: i diferencuar Bare mban në ankth tekniun Sylvinho
KRIZA E DHOMAVE TË ZHVESHJES
Polonia është përfolur ditët e fundit në një mosmarrvëshje në dhomat e zhveshjes e në një klimë të tensionuar. Aspak e vërtetë, nëse dëgjon fjalët e Fernando Santos në konferencën për shtyp: “Atmosfera brenda ekipit është gjithmonë e mire. Ka qenë gjithmonë e tillë, pavarësisht se çfarë ndodh në fushë. Të gjithë kanë frymë skuadre. E gjithë vëmendja ime është përqendruar që t’i sjell skuadrës një plan se si të luajë nesër dhe që ekipi ta përvetësojë”.
