Pas barazimit në Pragë, fluturimi i menjëhershëm drejt Tiranës, për të nisur stërvitjen që të premten. Në ditën e parë të punës pas rikthimit në "Shtëpinë e Futbollit", Sylvinho ka marrë frymë lehtësisht me rikuperimin e mesfushorit Keidi Bare. Lajmi i keq, po që braziliani me shumë mundësi e priste, është se Qazim Laçi nuk mund të rikuperohet dhe ka lënë grumbullimin për tu kthyer në klubin e tij.
Kuqezinjtë mbërritën në orët e para të mëngjesit të së premtes në Shqipëri dhe pasdites punuan për tu bërë gati për polakët. Departamenti i Komunikimit bën me dije se mesfushori Qazim Laçi nuk do të mund të rikuperohet për ndeshjen e të dielës. Një mister, duke qenë se për të u evidentua një gjendje gripale, që të hënën e kaluar. Sidoqoftë Laçi ka marrë lejen nga stafi mjekësor që të rikthehet në shtëpi. Edhe mesfushori Keidi Bare nuk është stërvitur rregullisht me skuadrën për shkak të një problemi shëndetësor. Lojtari megjithatë, sipas parashikimeve të stafit mjekësor, pritet të jetë në dispozicion për ndeshjen.
ÇFARË KËRKOI SYLVINHO NË STËRVITJE
Stafi teknik e ka ndarë grupin në dy pjesë, teksa lojtarët që u aktivizuan titullarë bënë më shumë një stërvitje të lehtë dhe pa top, si edhe pak punë në palestër. Ndërsa lojtarët që ishin në stol dhe ata që u aktivizuan për pak minuta bënë një seancë të plotë mes palestrës dhe ushtrimeve me top.
Lexo më tej: "Një pikë që na mban në lojë për kualifikim". Sylvinho hedh sytë nga Polonia: "Kemi edhe 4 finale"
Atmosfera në skuadër është shumë pozitive dhe të gjithë janë të karikuar për të marrë një rezultat pozitiv. Ajo me Poloninë e Lewandowskit është një nga sfidat më vendimtare të grupit tonë. Ndeshja që mund të thotë shumë në lidhje me kualifikimin drejt Euro 2024, do të luhet ditën e diel, më 10 shtator, dhe do të nisë në orën 20:45.
https://www.youtube.com/watch?v=qPGFw7q9xME
