Katër gola për një pikë, që për Tiranën rri ngushtë. Edhe pse për mënyrën si shkoi ndeshja në Niko Dovana, duhet të jetë Teuta ajo që kapërcehet hidhur. Përfundon 2-2 me teknikun Longo që i gëzohet pikës në debutim. Bregdetarët përmbysën golin e shpejtë të Hasanit në harkun e 9 minutave. Penalltia e Filit dhe Gjinollari iluzionuan durrsakët, që fatin e humbën me fikjen e prozhektorëve në stadium. Në pjesën e dytë Najdovski barazoi 2-2, duke vendosur një ndeshje interesante.
[video width="712" height="424" mp4="https://cdnimpuls.com/lapsi.al/wp-content/uploads/2023/09/erresira.mp4"][/video]
PËRMBYSJE, DRITA TË FIKURA E... BARAZIM
Edhe pse me një skuadër të reformuar, me vetëm tre emra të shpëtuar nga sezoni i kaluar, Teuta tregoi personalitet në fushë. Diego Longo kishte ndërtuar një skuadër energjike rreth Filit, që reagoi edhe pse u godit shpejt. Hasani realizoi që në minutën e 3', në një përgjumje difensive të prapavijës së Teutës. Një gol që shërbeu për të zgjuar nga ngërçi psikologjik lojtarët e rinj në moshë të durrësakëve.
[video width="864" height="500" mp4="https://cdnimpuls.com/lapsi.al/wp-content/uploads/2023/09/TEuta-1.mp4"][/video]
Demirçani u pengua në zon nga Deliu dhe Ferataj pas imazheve të para në VAR akordoi penallti, që Fili e realizoi me qetësi. Nuk mbaroi me aq, sepse Gjinollari kurorëzoi përfaqësimin e tij pozitiv me golin e përmbysjes në minutën e 19'. Në krosimin e Peposhit erdhi tap-in i anësorit, që befasoi Likën.
Lexo më tej: Video/ Vllaznia arrin Erzenin në të 90', plasin polemikat: Rusta i anulon kuqebluve golin e fitores në shtesë
[video width="712" height="424" mp4="https://cdnimpuls.com/lapsi.al/wp-content/uploads/2023/09/teuta.mp4"][/video]
Në pjesën e dytë të lojës, ishte Tirana më kërkuese, duke iu tentuar shpesh portën e Demës. Në minutën e 58' pastaj, Najdovski barazoi rezulatin, duke i dhënë shpresë bardhebluve për një tjetër përmbysje si ajo me Dinamon në javën e parë. Sidoqoftë asgjë nuk ndodhi më dhe nga një pikë për dy skuadrat. Tirana mbetet e pathyer, por nuk merr dot pikë të plota. Teuta e nis me barazim aventurën (ndeshja me Partizanin u shty) përpara publikut të shtëpisë.
[video width="656" height="364" mp4="https://cdnimpuls.com/lapsi.al/wp-content/uploads/2023/09/tirana-gol.mp4"][/video]
