Pas sëmundjes që goditi Massimiliano Allegri menjëherë pas Juventus-Bologna mund të fshihen protestat e ashpra të kuqebluve. Pas ndeshjes, drejtuesit kuqeblu u paraqitën para mikrofonave të televizionit për të protestuar për penalltinë e mohuar në kontaktin Iling-Ndoye. Në rikonstruksionin e Tuttosport, Max Allegri kishte reaguar nervoz duke thënë: "Po për çfarë ankohen! Kishte dy penallti më herët për ne!". Ndoshta shkaku i sëmundjes ishte ky, pavarësisht se stafi i Juventus specifikoi se bëhej fjalë për "lodhje të përgjithshme" duke i qetësuar të gjithë për gjendjen e trajnerit.
Max Allegri ndoshta i referohet episodit në minutën e 37' kur Lucumì preku topin me dorë në zonë, në krosimin e Weah. Pastaj edhe bërrylin e hapur të Moro në shpinën e Chiesa, të cilin Di Bello e vlerësoi si jo penallti në fillimin e pjesës së dytë.
Lexo më tej: Video/ Bolonja e tërbuar për penalltinë e mohuar, arbitri Di Bello sqaron: "E pashë mirë, ranë bashkë"
Jo vetëm zemërim për arbitrimin, por edhe zemërim dhe pakënaqësi të kuptueshme për paraqitjen e Juventus. Në vigjilje Allegri kishte paralajmëruar për rreziqet që sillte Bologna. Ashtu si dhe për entuziazmin e tepruar që kishte shfrenuar fitorja e parë në Udine. Sigurisht të rishihte fantazmat e vjetra në ndeshjen e djeshme nuk i ka pëlqyer trajnerit livornez. Polemikat e arbitrimit pastaj bënë pjesën tjetër. Kështu që stafi i Juventus vendosi të nxjerrë zëvendësin Landucci në intervistat pas ndeshjes. Një strategji për të lejuar teknikun Allegri të qetësohet dhe të pushojë.
