Ishte objektivi i madh i sulmit dhe tani ka mbërritur edhe në Milano. Samuel Chukwueze është goditja e shtatë e kuqezinjve në merkaton e transferimeve. Ashtu siç pritej, ‘binjaku’ i ardhshëm i Leao mbërriti në Linate Prime në kohën e drekës me një vonesë të vogël. Tani anësori i Villarreal do të shkojë menjëherë në La Madonnina për të filluar ekzaminimet e zakonshme mjekësore. Nesër, megjithatë, nënshkrimi i kontratës që do ta lidhë atë me milanezët deri në vitin 2028. Është një goditje e pritur me padurim nga tifozët e Milanit, që mezi presin ta shohin në fushë.
Chukwueze, të cilin dyshja Furlani-Moncada e bleu nga spanjollët për një shumë rreth 28 milionë euro, përfshirë bonuset, do të stërvitet i vetëm në Milanello. Nigeriani do të presë në këtë mënyrë kthimin e shokëve të tij të rinj nga turneu në SHBA. Një objektiv që sulmuesi nuk e arriti, për shkak të vonesave burokratike në lidhje me vizën.
Sulmuesi i lindur në vitin 1999, që në sezonin e fundit shënoi 13 gola (dhe 11 asiste) me Villarreal, do të bëhet një nga më të paguarit në skuadër. Milan ka rënë dakord t’i paguajë nigerianit 4 milionë euro neto në sezon. Megjithatë, Chukwueze mund të mos jetë lojtari i fundit jo komunitar që do të firmosë me Milan në këtë sesion të merkatos. FIGC ka vendosur këtë mëngjes se edhe lojtarët nga Mbretëria e Bashkuar do të konsiderohen komunitarë. E në këtë pikë, 19-herë kampionët e Italisë kanë një tjetër vend në dispozicion.
