Roma e ka seriozisht për sulmuesin Alvaro Morata. Verdhekuqtë janë gati të nisen në pole position për spanjollin. Numri 9 do të ishte entuziast për t'u rikthyer në Itali dhe që javët e fundit përflitej te Milan. Ajo që dukej si një hipotezë, por bëhet një cështje gjithnjë e më konkrete. E gjitha falë presionit të José Mourinho dhe, mbi të gjitha, e Paulo Dybala. Argjentinasi me kënaqësi do të donte në sulm ish-shokun te Juventus, me të cilin është lidhur me një miqësi të madhe.
Në shtëpinë e verdhekuqve janë të shumtë ata që e shohin si zëvendësuesin ideal për Abraham. Anglezi do të jetë jashtë fushe të paktën deri në pranverën e ardhshme, pas operacionit në gju. Në këtë pikë, kontrata për spanjollin është tashmë në tavolinë. Flitet për një kontratë katërvjeçare me vlerë 4.5 milionë në sezon plus bonuse. Kjo ofertë është maksimumi që mund të arrijnë Pinto dhe Friedkins, duke pasur parasysh se pasi është larguar nga Italia në vitin 2022, lojtari nuk mund të përfitojë nga dekreti i rritjes.
PENGESË MBETET ATLETICO
Mbetet për të bindur Atletico Madrid, një detaj jo i parëndësishëm. Kontrata e Morata skadon në vitin 2024, por në fillim të qershorit tashmë flitej për një rinovim deri në vitin 2026, edhe nëse asgjë nuk është zyrtarizuar ende. Çdo rinovim, sidoqoftë, mund të mos jetë pengesë, përkundrazi. Aktualisht marrëveshja me "Colchoneros" do të parashikonte një klauzolë lirimi prej 21.5 milionë euro. Kjo shumë mund të ulet (ose eliminohet plotësisht) në kontratën e re, duke lehtësuar kështu negocimin. Një takim kokë më kokë mes dy drejtuesve është planifikuar në ditët në vijim. Aty do të kuptohet më mirë situata dhe do të vlerësohet hapësira për manovrim.
Lexo më tej: Dekreti i Rritjes nuk e ndihmon Milan për Morata: tani spanjolli duhet të reduktojë pagën
SEZONI POZITIV I MORATA
Morata, i cili nuk ka qenë asnjëherë një goleador në kuptimin e ngushtë të fjalës, është rikthyer nga një sezon mjaft pozitiv. 15 gola dhe 3 asiste në 45 ndeshje me Atletico. Atyre u duhen shtuar edhe 3 golat e shënuar në Botërorin e Katarit me kombëtaren spanjolle, ekip me të cilin në qershor ngriti lart edhe Ligën e Kombeve.
