Vitin e ardhshëm Mario Pasalic nuk do të jetë në gjendje të luajë me fanellën e tij aktuale. E Gigi Buffon nuk do të mund të dilte në fushë me numrin e tij 88 në kohët e Parmës. Edhe pse ai e përdori vetëm në disa miqësore, pastaj ndryshoi në 77 pikërisht sepse ishte numri i grupeve naziste. Ministri i Brendshëm italian, Matteo Piantedosi, në fakt ka ndaluar numrin 88 në fanellat e lojtarëve për sezonin e ardhshëm. Dispozita u përfshi në deklaratën e synimit për luftë kundër antisemitizmit, nënshkruar më 27 qershor në Ministrinë e Brendshme.
88 përdoret në fakt në grupet neo-naziste për të lavdëruar Adolf Hitler (H është shkronja e tetë e alfabetit dhe për këtë arsye 88 ka vlerën e HH, që është shkurtimi i "Heil Hitler": përshëndetja naziste). Si rrjedhojë, Ministria e Brendshme në marrëveshje me botën e futbollit ka vendosur të heqë numrin nga Serie A.
"Referenca në përkufizimin ndërkombëtar të antisemitizmit është inkorporuar në kodin etik të shoqërive - deklaroi Piantedosi -. Kështu, ka një ndalim të përdorimit nga tifozeritë të simboleve që mund të kujtojnë nazizmin. Përgjegjësia e anëtarëve është për të mbajtur një gjuhë jo diskriminuese në të gjitha ngjarjet publike. Përcaktimi i procedurave për ndërprerjen e ndeshjeve në rast të episodeve të diskriminimit. Po ashtu do të vlerësohet pozitivisht qëndrimi proaktiv i klubeve në këtë fushë”.
KUSH E PËSON?
Çmimin do ta paguajnë Pasalic i Atalantës dhe Toma Basic i Lazios, i cili ka mbajtur numrin 88 në sezonin e kaluar. Por në të kaluarën, fanellat e veshura nga Mateusz Praszelik, Buffon dhe Marco Borriello kanë shkaktuar polemika. E pas polemikave ata kanë mohuar të kenë çdo simpati e çfarëdo lloji për të djathtën ekstreme.
Më tej, ndër veprimet që do të ndërmerren në rast të thirrjeve antisemite gjatë ndeshjeve, është futur edhe ndalimi i ndeshjes nga arbitri. Po përcaktohen metodat e ndërprerjes, ndërsa arsyeja e ndalimit do t'i komunikohet publikut përmes tabelave dhe altoparlantëve.
