Ruben Loftus-Cheek do të jetë goditja e parë e transferimeve të Milan për sezonin e ardhshëm. Klubi kuqezi ka finalizuar detajet përfundimtare me Chelsea për mesfushorin anglez. Loftus-Cheek, i lindur në vitin 1996, ishte zgjedhur nga Maldini dhe Massara dhe u konfirmua edhe nga kursi i ri Furlani-Moncada për të përforcuar mesfushën pas largimit të Sandro Tonali drejt Neëcastle. Loftus-Cheek, i cili ka ende një vit në kontratën e tij me Blues, do të mbërrijë nën urdhërat e teknikut Pioli për 18.5 milionë paund përfshirë bonuset (rreth 21.5 milionë euro). Nuk bëhet fjalë për huazim me detyrim blerje në fund të sezonit, siç do të kishte preferuar Milan. Transferimi i anglezit te kuqezinjtë do të jetë me titulli përfundimtar.
Loftus-Cheek, i cili mund të luajë si mesfushor, por edhe si mesfushor sulmues, do të marrë vendin si jo-komunitar që dukej i destinuar për japonezin Kamada. Për të është gati një kontratë deri në vitin 2028 me një pagë rreth 4 milionë neto në sezon. Ai e kaloi të gjithë karrierën e tij në Stamford Bridge me huazimin te Crystal Palace dhe Fulham. Në total ai ka bërë 155 paraqitje për Blues që nga debutimi i tij në vitin 2014, duke shënuar 13 gola. Sezonin e kaluar ai bëri 33 paraqitje në të gjitha garat pa mundur të shënojë.
