Kohët po zgjaten: vendimi i UEFA-s për fatin europian të Juventus pritet në mesin e korrikut (dënimi i shkallës së parë). Gjyqi për shkelje të pretenduara të Fair Play financiar, pasi kërkoi të gjitha dokumentet nga hetimet në Itali në prokurorinë e Torinos dhe FIGC, është ende në fazën e hetimit në pritje të seancës. Juventus rrezikon një vit pa kupa dhe një gjobë milionere, siç raporton Gazzetta dello Sport. Sipas gazetës rozë, vetëm në rast ndalimi më të gjatë, Juventus mund të vendosë të shkojë direkt në CAS.
Përgjigja nga CAS do të mbërrijë në këtë rast nga fundi i korrikut-fillim i gushtit. Praktikisht përpara shortit për play-off të Conference League, i planifikuar për në 7 gusht. Në fund të vitit të kaluar Juventus nënshkroi një 'settlement agreement' me UEFA-n. Gjoba do të ulej në këë rast nga 23 në 3 milionë euro, me kusht që të përmbushen objektivat e vendosura.
Lexo më tej: Juventus-Uefa nisin të flasin, zbulohet pakti për paqen: duhet të heqë dorë nga Conference League
Në të kundërt do të ketë një rritje të gjobës deri në maksimum 23 milionë, si dhe më shumë limite në manovrat e merkatos. Nëse gjykatësi më pas i konsideron shkeljet që i atribuohen Juventus si shumë serioze, ai mund ta shpallë 'settlement agreement' të pavlefshme.
