Barcelona mund të përjashtohet nga kupat evropiane sezonin e ardhshëm. Përfundimi i hetimit të UEFA-s për marrëdhëniet mes klubit dhe ish-zëvendëspresidentit të Komitetit Teknik të arbitrave José María Enríquez Negreira, shpjegoi gazeta spanjolle Abc, bëri që inspektorët Mirjam Koller dhe Jean-Samuel Leuba të sugjeronin përjashtimin nga kupat për sezonin 2023/24. Vendimi përfundimtar tashmë kalon në duart e presidentit të UEFA-s, Aleksander Ceferin.
UEFA, BARCELONA SI JUVENTUS?
Ceferin po reflekton për të kuptuar nëse do të presë drejtësinë spanjolle, e cila ndoshta do të përjashtojë në mënyrë autonome katalanasit nga kupat, apo do të vendosë në mënyrë të pavarur e të marrë një vendim përfundimtar. Një situatë thellësisht e ndryshme nga ajo e Juventus, e cila megjithatë mund të çojë në të njëjtat përfundime: përjashtim nga kupat e Europës.
ÇËSHTJA ARBITRA-NEGREIRA
Në muajt e fundit, zyra e prokurorit të Barcelonës kishte hapur një hetim për klubin Blaugrana. Barça akuzohet se ka paguar rreth 1.4 milionë euro për José María Enríquez Negreira midis 2016 dhe 2018. Ish-arbitri, në atë kohë mbante pozicionin e zëvendëspresidentit të Komitetit teknik të arbitrave. Në vitin 2013, UEFA e përjashtoi Fenerbahcen nga Liga e Kampionëve për një rast të trukimit të ndeshjeve. Edhe pse klubi turk më vonë fitoi apelin në CAS duke luajtur në Evropë.
