Inter është finalisti i parë i Kupës së Italisë 2022/23. Zikaltrit mposhtën Juventus 1-0 në San Siro, në gjysmëfinalen e kthimit. E kështu, pas barazimit në ndeshjen e parë, skuadra e teknikut Inzaghi kualifikohet në aktin final të kompeticionit. Për Inter tashmë në finale e pret një ndeshje me Fiorentinën apo Cremonese më 24 maj. Ndeshja e kthimit u vendos nga një devijimin i Dimarco në minutën e 15', që i dha drejtim një ndeshje në përgjithësi jospektakolare. E megjithatë, suksesi i Inter nuk u vu asnjëherë realisht në diskutim. Djemtë e Simone Inzaghi, pra, do të kenë mundësinë të mbrojnë titullin e fituar vitin e kaluar. Skuadra e Allegri, në një sezon shumë të komplikuar, duhet të luajë tashmë vetëm për Europa League.
Në fakt, ndeshja mund të kishte rezultat edhe më të rrumbullakosur. Në fillimin e pjesës së dytë, me një diagonale në të majtë, në një kundër një kundër Bremer, Dzeko shënoi edhe golin e 2-0 në shtyllën e dytë. Por goli u anulua për pozicionin jashtë loje në nisje të boshnjakut. Pas sinjalizimit të asistentit, Doveri e ndaloi lojën vetëm kur aksioni përfundoi.
Lexo më tej:Sektori u fal, por koret raciste kundër Lukaku kanë kosto: 171 përjashtime për tifozët e Juventus
KUNDËRSHTARI I FINALES, NESËR
Inter shkon në finalen e Kupës së Italisë dhe nesër në mbrëmje do të dijë nëse do të sfidojë Fiorentinën apo Cremonese. Të besuarit e Simone Inzaghi mposhtën Juventus, në ndeshjen e dytë, falë një goli të Dimarco. Anësori kishte shënuar edhe në finalen e Superkupës kundër Milan e tani ndëshkoi bardhezinjtë. Sukses i merituar për Lautaro dhe shokët e tij, sepse skuadra e Max Allegri, që vinte nga tre humbje radhazi në kampionat, bëri pak ose aspak për të fituar. Gjithësesi kjo ishte humbja e parë sezonale e Juventus nga zikaltrit. Skuadra e Allegri humbi ndoshta ndeshjen më të rëndë dhe, bashkë me të, mundësinë për të luajtur finalen në Romë më 24 maj. Për Inter është një sukses "historik": në pesë gjysmëfinalet e mëparshme kundër Zonjës, ata ishin eliminuar gjithmonë.
