Liverpool fiton mes mureve mike të Anfield Road në javën e tridhjetë e dytë të Premier League. Reds mundën Nottingham Forest 3-2, falë dygolëshit të Diogo Jota dhe rrjetës së Salah. Fiton edhe Fulham, 2-1 ndaj Leeds. Nuk ka fitues ndërkohë mes Aston Villa dhe Brentford, që ndahen në barazim 1-1. Asnjë gol i shënuar ndërkohë mes Crystal Palace dhe Everton, ndërsa Leicester gjeti pikë me peshë shpëtimi në përmbysjen 2-1 kundër Wolverhampton.
Triumf i rëndësishëm për Liverpool, që mundi 3-2 Nottingham Forest. Në pjesën e parë ishte një monolog absolut i vendasve. Mbi 85% e zotërimit të topit dhe mundësi të panumërta të krijuara për gol nga Reds. Megjithatë, ofensiva e Klopp nuk arriti të depërtonte në portën e kundërshtarit dhe pjesa e parë përfundoi 0-0. Në fillim të pjesës së dytë, skuadra e Klopp zhbllokoi sfidën. Në minutën e 47 Diogo Jota shënoi golin e parë, pas një asist të Fabinho. Kur gjithçka dukej se po shkonte qetë për van Dijk dhe shokët e tij, mbërriti barazimi 1-1. Në minutën e 51' Neco Williams përfitoi nga devijimi i ngathët i Robertson dhe e ktheu ndeshjen në ekuilibër. Mbrojtësi skocez e shleu menjëherë gabimin. Katër minuta më vonë ai krosoi nga goditja e dënimit për Diogo Jota, që mposhti Keylor Navas me një diagonale me të majtën, për rezultatin 2-1.
Lexo më tej: Arsenal rrezikon të parakalohet nga City, Arteta sfidon Guardiolën: “Ndeshja me City? Mezi po pres”
Miqtë nuk dolën nga ndeshja, madje arritën të mposhtin sërish Alisson. Në minutën e 67' Gibbs-White, me një goditje nga jashtë zonës të devijuar nga Konaté dhe Alexander-Arnold, barazoi sërish rezultatin. Reds dëshironin të fitonin me çdo kusht dhe për të tretën herë kaluan në epërsi pas pak minutash. Goditja e dënimit e Arnold u finalizua nga Salah, që firmosi 3-2 në minutën e 70'. Përfundoi 3-2, me Liverpool që arriti në kuotën e 50 pikëve. Nottingham Forest mbetet në 27, në zonën e plotë të rënies.
Premier League England
Fulham 2-1 Leeds United
Brentford 1-1 Aston Villa
Crystal Palace 0-0 Everton
Leicester City 2-1 Wolverhampton Wanderers
Liverpool 3-2 Nottingham Forest
