Romelu Lukaku do të jetë rregullisht në fushë në San Siro të mërkurën në mbrëmje. Kështu, belgu do të jetë prezent në ndeshjen e dytë gjysmëfinale të Kupës së Italisë kundër Juventus. Gjykata e Apelit Sportiv konfirmoi skualifikimin e lojtarit për gjestin e bërë pas golit me panllti në Torino. E pas polemikave dhe zemërimit të Inter ("viktima është i vetmi fajtor"), presidenti i FIGC, Gabriele Gravina zbriti vetë në fushë. Interpretimi është, se numri 1 i Federatës ka dashur të japë një sinjal të fortë kundër racizmit, duke falur sulmuesin belg.
Gravina ka aktivizuar ekspertët ligjorë të Federatës së Futbollit për të gjetur një rrugë të realizueshme ligjërisht. Qëllimi ishte të arrihej rehabilitimi i Lukakut, por më shumë se çdo gjë tjetër pastrimi i imazhit të vetë FIGC. Rruga e faljes udhëhiqet shkurtimisht nga arti. 43 i kodit të drejtësisë sportive, i cili thotë si më poshtë: "Presidenti Federal, edhe me propozim të Këshillit Federal, mund të japë falje nëse është vuajtur të paktën gjysma e dënimit. Në rast të përjashtimit, falja nuk mund të jepet nëse nuk kanë kaluar të paktën pesë vjet nga miratimi i sanksionit përfundimtar”.
Lexo më tej: “Viktima u bë fajtori i vetëm”: Inter shpërthen pas rrëzimit në Apel të ankimimit për Lukaku
INTERPRETIMI I PAPRECEDENTË
Institucioni i faljes u krijua në fakt për pezullimet në kohë dhe deri më tani nuk ishte përdorur asnjëherë për ato “javore” që rrjedhin nga masat e marra në fushë nga gjyqtarët ndaj lojtarëve dhe drejtuesve. Interpretimi që është bërë thotë se nuk është falur skualifikimi, por vetëm kartoni i dytë i verdhë, i marrë pas festimit. Në këtë mënyrë, gjysma e dënimit. Kartoni i parë i verdhë do të mbetet dhe për këtë arsye Lukaku duhet ta luajë ndeshjen e dytë me kujdes, për të mos humbur finalen në rast të një kartoni të ri të verdhë.
