Lapsi Video

Aplikacioni

Android iOS
Flash

Traumë në shtyllën kurrizore e një brinjë e thyer: gjendja e Immobile shumë më e keqe se mendohej

Lapsi.al 16 April 2023
Traumë në shtyllën kurrizore e një brinjë e thyer:
Sulmuesi i Lazio, Ciro Immobile, mëngjesin e sotëm ka pësuar një aksident të frikshëm me makinën e tij. Land Roveri që drejtonte laciali u përplas me një tramvaj, teksa po kalonte urën Matteotti, që lidh lagjen Flaminio me Pratin. Në aksident janë përfshirë edhe makina të tjera, ku në spital janë transportuar 7 persona, mes tyre edhe vajzat e Immobile. Fatmirësisht për askënd asgjë serioze. E megjithatë, për Immobile gjërat nuk kanë shkuar aq mirë sa besonte. Sapo ka dalë, në fakt, njoftimi zyrtar për shtyp nga Lazio për gjendjen e Ciro Immobile, pas aksidentit të mëngjesit të sotëm. Makina e goleadorit u godit në pjesën e përparme nga mjeti i transporti publik. Nuk dihet ende nëse ka qenë shoferi që ka kaluar me semafor të kuq (siç tha vetë futbollisti) apo ka qenë Immobile që ka thyer kodin rrugor (siç raporton Il Messaggero).  

KOMUNIKATA E LAZIO

Njoftimi zyrtar i klubit kryeqytetas ka treguar se gjendja fizike e kapitenit, është më e keqe se sa pritej: “Stafi mjekësor i S.S. Lazio bën me dije se sot, pas një aksidenti rrugor, futbollisti Ciro Immobile ka pësuar një traumë me shembjen e shtyllës kurrizore. Si dhe një frakturë të përbërë të brinjës së XI të djathtë. Gjendja aktualisht është e mirë. Futbollisti mbetet nën vëzhgim në departamentin e mjekësisë së urgjencës, të drejtuar nga profesori Francesco Franceschi i Spitalit Universitar Agostino Gemelli IRCCS në Romë.” Mëngjesin e sotëm, Land Rover Defender i qendërsulmuesit të kombëtares u përplas me një tramvaj i cili doli nga shinat pas përplasjes së dhunshme. Tramvaj përfundoi mbi trotuarin që ndodhej pranë shinave. Pjesa e përparme e makinës u prish dhe sipas deklaratave të para të Immobile, faji ishte i tramvajit, që nuk ndaloi në semaforin e kuq. I pyetur nga AGTW, Ciro deklaroi: “Nuk pësova asgjë, vetëm më dhemb pak krahu”. Policia rrugore mori në pyetje dëshmitratë dhe pasagjerët e tramvajit, të cilët megjithatë nuk e mbanin mend nëse drejtuesi vërtet nuk kishte ndaluar në semaforin e kuq. Përplasja ka ndodhur sigurisht me shpejtësi të madhe.

Të këshilluara

ide

Çfarë është “Shqipëria e re”?

Shteti, partia dhe pushteti janë personalizuar tek një lider i vetëm. Sot hendeku mes fasadës së propagandës rilindase dhe realitetit që jetojnë qytetarët është bërë po aq i madh sa hendeku mes propagandës komuniste dhe realitetit qytetar dje

21:40 Blendi Kajsiu

Letër e hapur njerëzve të Drejtësisë: Shtet i së drejtës apo bandë e madhe plaçkitësish

Kambanat e kësaj proteste nuk bien vetëm për Edi Ramën, ministrat, parlamentarët, qeverisësit dhe plaçkitësit e tij, ato bien edhe për gjykatesit dhe prokuroret. Pyetja që ngrihet sot nga njerëzit në proteste është: a jeni ju në shërbim të asaj drejtësie që në Kushtetutën tonë formulohet në trajten “E drejta përbën bazën dhe kufijtë e veprimtarisë së shtetit.” apo, si në kohën e Enver Hoxhës, jeni në shërbim të bandës së plaçkitësve që e shkel përditë kufirin e së drejtës?

16:24 Fatos Lubonja

MOTI TIRANA

30°c

KËMBIMI EURO

93.67

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI