Video/ Kërkesa unike e Vecino në dhomat e zhveshjes në Maradona: “Do ma tregosh edhe njëherë?”

Lazio bëri goditjen në Maradona duke mposhtur Napolin falë golit të mrekullueshëm të Matias Vecino. Mesfushori i ka shkaktuar një hidhërim trajnerit të tij të kohëve të Inter. Goli i tij rrëzoi skuadrën nga Campania pas 9 fitoreve radhazi në kampionat. Nga ana tjetër, Vecino iu rikthye golit pas gati 5 muajsh, duke shënuar golin e dytë këtë sezon. Në fund të ndeshjes, në dhomat e zhveshjes të stadiumit Maradona, mesfushori uruguaian i bëri një kërkesë unike menaxherit të rrjeteve sociale të Lazios. Në fund të ndeshjes, Spalletti foli për një Lazio mbrojtëse dhe me fat. Por e vërteta është se Sarri fitoi ndeshjen e shahut ndaj kolegut të tij. Në pjesën e parë Vecino iu afrua golit me kokë dhe Di Lorenzo bëri një mrekulli të vërtetë duke shpëtuar në vijën e portës. Më pas Napoli mbajti zotërimin e topit, duke impenjuar Provedel, por pa qenë kurrë realisht i rrezikshëm. Në pjesën e dytë loja ishte më e ekuilibruar derisa shënoi Vecino në minutën e 68'. Uruguajani mposhti Meret me një goditje fantastike me të djathtën. Që nga ai moment, bardhekaltrit ia dolën të administrojnë avantazhin. Napoli ishte vërtet i rrezikshëm vetëm në rastin e goditjes së traversës nga Osimhen. Megjithatë, Lazio u përgjigj me traversën e Milinkovic-Savic nga një goditje dënimi. Ndoshta barazimi do të ishte rezultati më i drejtë. por Lazio mori 3 pikë shumë të rënda që e çojnë për momentin në vendin e dytë.

KËRKESA NË DHOMAT E ZHVESHJES SË "MARADONA"

Në fund të ndeshjes Vecino shkoi për të festuar nën sektorin e miqve. E kanali në instagram e përjetësoi duke thirrur “Vamos!”. Më pas në dhomat e zhveshjes së stadiumit Maradona i kërkoi celularin menaxherit të rrjeteve sociale për të rishikuar golin e tij. Mesfushori nuk la rastin t'i kalonte pa bërë humor, me pikën e tij të dobët: “Duhej kjo, gabova të nja 15 goditje, të paktën njëra hyri brenda. Mirë, mirë, jam i lumtur!”. Një gol që erdhi pikërisht ndaj ish-trajnerit të tij, i cili megjithatë për Dazn saktësoi: “Nuk ndihem i tradhtuar nga Matias, të gjithë duhet të bëjnë më të mirën. Marrëdhënia që ka ekzistuar më parë nuk duhet të ndikojë në dëshirën për të bërë mirë”.

? Scusa, me lo fai rivedere?#NapoliLazio | #AvantiLazio ? pic.twitter.com/SP1QwWsZh6

— S.S.Lazio (@OfficialSSLazio) March 3, 2023