Lapsi Video

Aplikacioni

Android iOS
Flash

Zvicra tronditet nga rrëfimi i ish futbollistit-vrasës: “Po e vrava unë, me shkop bejsbolli”

Lapsi.al 26 February 2023
Zvicra tronditet nga rrëfimi i ish futbollistit-vrasës: “Po e
Një lajm tronditës vjen nga Zvicra. Një ish-futbollist ka rrëfyer në polici se ka vrarë një person gati pesë vjet më parë (më 16 qershor 2018). Ai ka rrëfyer se e ka hequr qafe trupin, duke e hedhur në liqenin Lemàno, në kufirin franko-zviceran. Gazeta “Tribune de Genève” zbulon historinë e pabesueshme. Ish-mesfushori tha se kishte debatuar me viktimën, që mendohet se i përkiste një bande kriminale të Lionit. Sportisti, i dyshuar si i përfshirë në trafikun e drogës, duhej të merrte mallin në Spanjë. Por, në vend të kësaj, sulmoi një figurë të krimit të organizuar në Lion për një cështje borxhesh të papaguara, sipas burimit të cituar më sipër. Ish futbollisti e ka rrahur për vdekje viktimën, një mafioz 44-vjeçar, me shkop bejsbolli. Më pas, ai e mori trupin në bagazh nga Lioni në Lancy (Gjenevë), ku jetonte. Ai qëndroi atje për disa ditë derisa vendosi ta transferonte këtë herë në Villeneuve, një qytet i vogël në kantonin Vaud, në rrethin Aigle. Autori ka treguar në polici se si ka hequr qafe kufomën e dyshuar, që ende nuk është shfaqur. Sipas tij, ai lundroi me një gomone në liqenin e Gjenevës dhe, kur gjeti rastin, e hodhi trupin.

KUFOMA NUK GJENDET, POR VERSIONI PËRKON

Brigada detare e Gjenevës po përpiqet të gjejë trupin, por nuk ia ka dalë deri tani. Policia tregon, sërish sipas “Tribune de Genève”, se historia e ish-lojtarit është koherente. Agjentët kanë mundur të demonstrojnë se i dyshuari ka blerë një gomone në datat në të cilat, sipas asaj që ai pretendon, ka ndodhur ngjarja fatale. Mediat e sipërpërmendura nuk e bëjnë të ditur emrin e fajtorit të mundshëm, por japin disa pista. Ai e ka filluar karrierën e tij të futbollit në Francë. Pasi bëri debutimin e tij në divizionin e dytë francez, ai luajti për klube zvicerane si FC Lancy ose FC Aigle. Gjyqi për këtë krim të dyshuar do të zhvillohet në maj, nga data 9 deri në 12. Ai do të mbahet në Gjykatën e Assizes të Lionit, qyteti ku dyshohet se kanë ndodhur ngjarjet. Zvicra është tronditur e Franca gjithashtu.

Të këshilluara

ide

Një prerje në besë e Shqipërisë së re

Rama ose se ka kuptuar revolucionin e Flamingove, ose e po manipulon me thelbin e tij. Të përpiqesh ta vizatosh atë si një reagim që u provokua nga sukseset që rritën pritshmërinë gjatë epokës së rilindjes do të thotë ta presësh atë në besë

13:42 Andi Bushati

Reforma territoriale dhe profecia e romakut Tacitus

Sipas informacioneve të dala, ajo synon rishikimin e hartës aktuale me 61 bashki, duke shkrirë 10 deri në 14 bashki të vogla, me qëllim që numri i tyre, për zgjedhjet vendore të vitit 2027, të mos jetë më tepër se 50 bashk

11:29 Ferdinand Dervishi

MOTI TIRANA

13°c

KËMBIMI EURO

93.72

aktuale

Ndiqe Lapsin edhe në

Me interes nga publiku

Besa e Edi Ramës dhe pengmarrja e Aeroportit të Vlorës

Nëse “Besa” e Edi Ramës do të ishte standardi i qeverisjes, saga e Aeroportit të Vlorës është shembulli se si shteti mund ta thyejë atë përmes vendimeve kontradiktore, pasigurisë ligjore dhe përdorimit selektiv të pushtetit.

15:40

Me sytë katër

SPORT

Të tjerë artikuj

PAPARAZZI