Inter rrëzohet në Bolonja dhe frenon në ndjekjen e zonës së Champions League. Në ndeshjen e drekës së javës së 24 të Serie A, skuadra e Inzaghi humbi 1-0 ndaj të besuarve të Thiago Motta. Zikaltrit mbeten kështu në shënjestër të Romës dhe Milanit, -18 nga Napoli. Në Dall'Ara ishin vendasit ata që bënë lojën. Në pjesën e parë, Orsato anuloi një gol të Barrow për shkak të një pozicioni të parregullt të Dominguez. E djathta e Sorianos goditi traversën, ndërsa në pjesën e dytë vendosi Orsolini (76').
Bolonja është sërish fatale për Inter. Në Dall'Ara vitin e kaluar formacioni i Inzaghit humbi mundësinë për yllin e dytë falë gafës së Radu. Megjithatë, sot ishte një gabim i D'Ambrosio dhe veprimi i Orsolini, në golin e shtatë të sezonit, që fundosi zikaltrit. Suksesi i katërt në 5 ndeshjet e fundit dhe vendi i shtatë momental në renditje për Bologna. Të besuarit e Thiago Motta i merituan tre pikët ndaj një kundërshtari shumë të ndryshëm nga ai që mposhti Porton të mërkurën. Rënie për nga ritmi dhe intensiteti, goditi pak në portë dhe me zëvendësimet e bëra tashmë nga Inzaghi në 0-0 (Dzeko për Lukakun), kur shkoi në disavantazh, nuk kishte më lojtarë në pankinë për të ndryshuar ndeshjen.
INTER NUK SILLET SI SKUADËR E MADHE
Kështu vjen humbja e shtatë në kampionat dhe lamtumirë mundësisë së shkëputjes ndaj konkurrentëve të drejtpërdrejtë për Champions League. Një tjetër ekip mesatar pas Monza, Empoli dhe Sampdoria (10 pikë të humbura gjithsej) dhe një tjetër gol i pësuar jashtë (tani 22). Inter nuk di si të zgjidhë problemet e tij që e kanë zbritur në -18 nga Napoli dhe alternon ulje-ngritje në performancë. Të mëdhenjtë nuk e bëjnë këtë. Një problem i madh për teknikun Inzaghi, i destinuar të përjetojë një javë tjetër kritikash. Pikërisht kur mendoi se i kishte rregulluar gjërat duke mposhtur Udinese dhe Porton.
