Në javën e 23 të La Liga derbi i Madridit përfundoi në barazim. Mes Real dhe Atletico përplasja u mbyll 1-1. Gimenez (78') kaloi Colchoneros në avantazh, Rodriguez iu përgjigj (85'). Në ndeshjet e tjera Espanyol mundi Mallorca 2-1 në shtëpi. Një super Braithwaite, autor i një dygolëshi (22', 51') bëri të pavlefshëm golin e Muriqit (41’). Cadiz mundi 1-0 Rayo Vallecanon, falë golit të Guardiolës në minutën e 74'.
Pati pak emocione në pjesën e parë. Real e mbajti zotërimin e topit për një kohë të gjatë, pa mundur megjithatë të lirojë Vinicius dhe Benzema. Braziliani është i mbyllur mirë në kafazin e Simeones në të majtë. Miqtë qëndruan të rregullt në fushë dhe kontrolluan në mënyrë perfekte ofensivën merengues. Në minutën e 23', Colchoneros humbën Reinildo, i cili u detyrua të largohej për shkak të një dëmtimi. Në fushë Gimenez, por asgjë nuk ndryshoi (për momentin).
Lexo më tej: Real Madrid plus 11 europiane: ja si mund të jetë Botërori për klube
PANKINAT BËJNË DIFERENCËN
Në pjesën e dytë Simeone tenton të rrisë normën teknike të skuadrës së tij, duke futur Correa e Lemar. Argjentinasi i Atletico gaboi rëndë në minutën e 64', duke lëvizur shumë krahët për të hequr qafe mbulimin e Rudiger. Për Gil Manzano nuk ka dyshim, bërryl dhe përjashtim direkt. Pavarësisht inferioritetit numerik, Atletico ishte më shumë në kontakt me topin dhe madje zhbllokoi ndeshjen. Në minutën e 78' Gimenez shënoi me kokë në goditjen e lirë të Griezmann, duke i dhënë avantazhin 1-0. Blancos reaguan menjëherë, me goditjet e Luka Modric. Në minutën e 85', kroati krosoi nga këndi dhe i porsaardhuri Alvaro Rodriguez me kokë barazoi 1-1. Në fund, formacioni i Ancelotti tentoi të sulmojë për ta fituar ndeshjen, por përfundoi 1-1. Real Madrid ngjitet në 52 pikë, me Barcelonën që tani mund të shkojë në +10. Atletico Madrid mbetet në vendin e katërt, duke u ngjitur në 42 pikë.
Spain LaLiga Santander
Espanyol 2-1 Mallorca
Cadiz 1-0 Rayo Vallecano
Real Madrid 1-1 Atletico Madrid
