Sven-Goran Eriksson i thotë lamtumirë futbollit, të paktën tani për tani. Ish-trajneri i Lazio, kampion i Italisë në vitin 2000, ka bërë një deklaratë të shkurtër në faqen e klubit të tij aktual, Karlstad Football Club. Suedezi ka shpjeguar se arsyeja e braktisjes është për shkak të gjendjes së tij fizike. "Unë, Sven-Goran Eriksson, kam vendosur të reduktoj paraqitjet e mia publike për momentin për shkak të problemeve shëndetësore. Fokusi im tani për tani është te shëndeti dhe familja ime, me një nivel të kufizuar përfshirjeje me Klubin e Futbollit Karlstad. Unë do të doja të falenderoj komunitetin e gjerë të futbollit dhe miqtë. Ata më kanë dhënë mbështetje dhe mirëkuptim, si dhe kanë respektuar privatësinë time. Dëshira ime është të fokusohem te shëndeti dhe familja ime", ka shkruar në një deklaratë të shkurtër, bashkëpunëtori i klubit suedez.
Lexo më tej:Video/ Rekord i arritur, Inzaghi si Eriksson: “Titulli? Normal që tani presin dicka më shumë nga ne”
Përveç eksperiencës me Lazio, në Itali, Eriksson ka drejtuar Romën, Fiorentinën dhe Sampdorian. 75 vjeçari do të mbahet mend se ishte trajneri i parë i huaj në historinë e kombëtares së Anglisë. Në pankinën e Tre Luanëve ai qendroi nga 2001 në 2006. Pastaj mori drejtimin e Manchester City për një sezon, para se kurba të fillonte të zbriste.
