Teuta udhëton me vela të hapura, me vetëm një humbje në 10 ndeshjet e fundit. Përpara durrësakëve rrëzohen edhe kryesuesit e Tiranës të mundur në shtëpi 0-2. Vendosi Emiljano Vila me një dygolësh, që mban të palëvizur kreun, me të tre pretendentët për titull të mundur në javën e 23 të Superiores.
Pas suksesit të vonë në ndeshjen me Kastriotin, bardheblutë kishin mundësinë më të mirë të shkëputeshin nga ndjekësit. Me humbjen e Partizanit të ditur, skuadra e Shehit duhej të fitonte për të shkuar në derbi me një avantazh të konsiderueshëm. Nuk ndodhi kështu, sepse pas vetëm 10 minutash lojë kapiteni i durrsakëve, Emiljano Vila zhbllokoi sfidën. Një goditje precise që nuk i la shanse Bekajt dhe që kaloi në avantazh ekipin e tij. Në minutën e 41’ të sfidës miqtë kishin mundësinë të dyfishonin rezultatin por Kallaku gaboi nga pika e bardhë e penalties. Bekaj tregoi se e njihte shumë mirë ish-shokun e skuadrës, duke pritur topin.
Lexo më tej: Video/ Gruda nxjerr bllof Tafas e fundos Kukësin: Teuta vetëm një humbje në 9 ndeshjet e fundit
[video width="1008" height="568" mp4="https://cdnimpuls.com/lapsi.al/wp-content/uploads/2023/02/teuta-1.mp4"][/video]
TEUTA SUPERIORE EDHE ME 10 LOJTARË
Bardheblutë u duk se nisën me një marsh më shumë në pjesën e dytë, duke krijuar më shumë raste. Kundërsulmi durrsak megjithatë ishte gati t’i ndëshkonte. Në minutën e 69’ Ildi Gruda shënoi golin e dytë për Teutën por u anulua për pozicion jashtë loje. Gjërat u duk se shkuan në favor të Tiranës në minutën e 73’. Pas një ndërhyrje të ashpër ndaj Haxhiut, Gruda mori të dytën e verdhë, duke e lënë Teutën në inferioritet. Tirana nuk përfitooi madje i krijoi hapësirë rivalëve. E në minutën e 79’ Emiljano Vila shënoi sërish, duke i dhuruar fitoren ekipit. Pas kësaj sfide, Teuta ngjitet në vendin e 6 me 31 pikë dhe Tirana mbetet në vendin e parë me 40 pikë.
[video width="752" height="420" mp4="https://cdnimpuls.com/lapsi.al/wp-content/uploads/2023/02/emiljano.mp4"][/video]
