Video/ Cassano nuk ndal përçmimin e tij ndaj teknikut Allegri: “Ai ma neverit”

Juventusi është rikthyer në rrugën e fitores dhe, aktualisht, është i dyti në renditje (në të njëjtin nivel me Milan) në Serie A. Ndeshja e madhe kundër Napolit do të zhvillohet të premten në mbrëmje në San Paolo, me të kaltrit 7 pikë përpara. Një sfidë që vlen shumë për ambiciet titull të Juventus. Pavarësisht 8 fitoreve radhazi pa pësuar gol, megjithatë, loja e bardhezinjve vazhdon të shkaktojë pakënaqësi. E dëshmon këtë shpërthimi i ashpër i Antonio Cassano. Barezi ka në shënjestër si zakonisht teknikun Massimiliano Allegri. Gjatë episodit të fundit të Bobo TV, Antonio Cassano, Nicola Ventola dhe Daniele Adani bënë një vlerësim të vrullit të Juves. Ata ranë dakord për faktin se, pavarësisht rezultateve, paraqitjet nuk janë ato të një ekipi të madh. Prandaj sulmi i ashpër i ish-sulmuesit të Real Madrid ndaj trajnerit të Juventusit, Max Allegri ishte i pashmangshëm: “Ai ma neverit. Vitin e kaluar tha se donte të fitonte titullin, tani vendos vendin e katërt si objektiv. Të gjitha gënjeshtra”. Barezi 40 vjeçar theksoi cilësinë e madhe të skuadrës bardhezi. Sipas, fjalëve të tij, Juventus nuk mund të përballojë një lojë të këtij niveli.

#Cassano: "Mi fa schifo #Allegri. Se la #Juve vince lo scudetto me ne sbatto i co..."

C'è tanta rabbia #BoboTv pic.twitter.com/6sH5Ml3B92

— Samuele Nava (@SNavaTweet) January 9, 2023

CASSANO: “JUVENTUS U KTHYE I SHPIFUR”

Cassano më pas analizoi faktorin e zero golave të pësuar në 8 ndeshjet e fundit: “Nuk më intereson qëndrueshmëria në mbrojtje, uria dhe agresiviteti. Ne po flasim për futboll të turpshëm. Unë mund ta pranoj këtë qëndrim nga Viterbo (me gjithë respektin e duhur), jo nga Juventusi”. Më pas, këndvështrimi i qartë i Fantantonios në lidhje me konsideratën se Zonja e Vjetër është rikthyer në nivele të shkëlqyera: “Juve është kthyer në shpifësirë, ata gjithmonë kanë luajtur keq këtë sezon. Ai mund të fitojë edhe kampionatin, nuk më intereson”. Cassano më pas foli për paraqitjen e lojtarëve më cilësorë: “Që kur ka ardhur te Juve Vlahovic ka grumbulluar vetëm përshtypje të këqija. Është faji i trajnerit që nuk e bën të performojë në maksimumin e tij. Nëse do të isha drejtues – përfundoi 40-vjeçari nga Bari – nuk do ta nisja kurrë nga Allegri”.