Juventusi mori fitoren e tetë radhazi në kampionat, pasi mposhti në Stadium Udinese. Të besuarit e teknikut Allegri, në vazhdën e ndeshjeve të mëparshme, zhvilluan një ndeshje aspak brilante, por arritën të marrin tre pikët. Devijimi i Danilo rezultoi vendimtar ndaj friulanëve në minutën e 86. Bardhezinjtë e zgjidhën ndeshjen 1-0 tre minuta nga fundi, e u mbrojtën me vuajtje deri në fishkëllimën e arbitrit. Pikërisht në minutat e fundit të ndeshjes, Massimiliano Allegri humbi mendjen në dritën e disa episodeve që nuk i pëlqyen.
Në fundin e ndeshjes, Juventusi, edhe pse nuk lejoi mundësi konkrete, shfaqi një qëndrim që nuk i pëlqeu fare teknikut Massimiliano Allegri: “Në minutat e fundit bëmë diçka të gabuar duke ia dhënë topin kundërshtarëve – shpjegoi livornezi për Dazn -. Në ato momente gjërat duhet të menaxhohen ndryshe. Nëse nuk luftoni deri në centimetrin e fundit, nuk do t'i çoni ndeshjet në shtëpi". Në radhë të parë, Allegrit nuk i pëlqyeu një episod në të cilin Milik mbrojti topin duke fituar një faull./ Zemërimi erdhi për goditjen e lirë të goditur pa përgjegjësi nga Paredes, me topin që iu dhurua Udinese.
Lexo më tej: Video/ Simfonia e tetë e Juventus: Danilo ndëshkon Udinese tre minuta nga fundi
Tërbimi i Massimiliano Allegri, sidoqoftë, u lëshua menjëherë më pas mbi Matias Soulé. Trajneri i Juventusit në fakt filloi të qortonte ashpër argjentinasin 19-vjeçar, i cili hyri në fushë në minutën e 80'. Një skenë që përkthehet në një lloj déjà-vu. Në 20 dhjetor 2015, në minutat e fundit të Carpi-Juventus, trajneri u tërbua duke hequr nervoz xhaketën. Megjithatë, edhe një herë Juventusi u tregua cinik dhe solid duke sjellë në shtëpi fitoren e tetë radhazi në kampionat.
