Kryeministri Edi Rama ka reaguar pas deklaratës së Ministrisë së Jashtme të Bullgarisë për komunikimin e tij gjatë ditës së djeshme në Bruksel.
Ministria bullgare i kërkoi Ramës të përshtatë komunikimin si një politikan nga një vend kandidat për në BE.
"Oh! Ministria e Jashtme e Bullgarisë ka një problem me mënyrën time të të folurit! Mjaft e drejtë. Edhe unë kam një problem me mënyrën se si Bullgaria dëshiron të zgjidhë çështjet biletarale duke përdorur procesin e zgjerimit si mjet për rrëmbimin e dy vendeve të NATO-s! Ngadalë miq: Hiqni VETO-n ose duroni me mua!" - shkroi Rama në Twitter.
Kryeministri vazhdoi me reagimin e tij në Twitter duke theksuar se ka mjaftuar vetëm një telefonatë me kryeministrin ende në detyrë, Boyko Borissov për të zgjidhur miqësisht dhe sinqerisht çështjen e minoritetit bullgar në Shqipëri.
"Dhe meqë ra fjala, më lejoni t’ju kujtoj të dashur miq bullgarë se u desh një telefonatë e shkurtër me Boyko Borissov për të zgjidhur miqësisht dhe sinqerisht çështjen e minoritetit bullgar në Shqipëri! Miqtë e vërtetë nuk e dëmtojnë njëri-tjetrin, por flasin me të vërtetë me njëri-tjetrin dhe i japin dorën!" - shkroi Rama. ©Lapsi.al
Lexo më tej: Rama i përgjigjet ashpër gazetarëve bullgarë në Bruksel: Jeni një turp
