Një i ri shqiptar u dënua me 8 muaj burg dhe më pas rrezikon depërtimin nga Britania e Madhe pasi u shpall fajtor nga gjykata për kultivim të paligjshëm të drogës.
BBC shkruan se Armando Hysaj, 25 vjeç u kap i fshehur brenda një koshi mbeturinash pasi policia e Nottinghamshire zbuloi një shtëpi bari në Mansfield Woodhouse më 7 shkurt.
Ishin banorët që e kishin njoftuar policinë për shkak të erës së fortë të kanabisit. Nga kontrolli u gjetën më shumë se 150 bimë kanabisi, me një vlerë të vlerësuar nëse shitej në rrugë prej rreth 90,000 £.
Policia tha se ata u njoftua nga një përmbarues që po ekzekutonte një urdhër për mospagesë të gazit dhe energjisë elektrike. Kur oficerët mbërritën, Hysaj u largua me vrap nga shtëpia.
Zona u kontrollua dhe ishte një qen policie që e zbuloi shqiptarin në koshin me rrota.
"Ai mund të ketë menduar se koshi është një vend i mirë për t'u fshehur, por në realitet nuk mund të krahasohet me një qen policie të stërvitur mirë" – tha Shaun Healey nga policia e Nottinghamshire. ©LAPSI.al
