Përballë Kuvendit po zhvillohet një protestë kundër projektligjit për Parkun e Butrintit. Teksa brenda në seancë plenare po diskutohet ky projekt ligj, qytetarët dhe shoqëria civile ka dalë në protestë para Kuvendit, duke kërkuar që të anulohet. Ata kërkojnë të shtyjnë diskutimin e pr/ligjit “për miratimin e marrëveshjes për administrimin e nënzonave të trashëgimisë kulturore dhe peizazhit kulturor, pjesë e parkut kombëtar të butrintit, ndërmjet ministrisë së kulturës dhe fondacionit për menaxhimin e Butrintit.
“Duhej të ishte bërë dëgjesë publike. Nesër në orën 11:00 mblidhet Akademia. Aleanca e Mbrojtjes së Butrintit ende nuk ka dalë me një rezolutë për tia drejtuar parlamentit që të ndalë këtë pr/ligj” tha Sazan Guri.
Për menaxhimin e Parkut të Butrintit, Ministria e Kulturës dhe Fondacioni Shqiptaro Amerikan (AADF) themeluan Fondacionin për menaxhimin e parkut kombëtar të Butrintit, një akord që ka afat 10-vjeçar dhe me të drejtë rinovimi. Fondacionit i kalon e drejta e shfrytëzimit dhe përdorimit, por jo pronësia. Në projektligj shkruhet se fondacioni detyrohet të respektojë klasifikimin si pasuri kulturore, por mund të kryejë ndërhyrje ruajtëse dhe mbrojtëse. Ndërsa tarifat për hyrjen e publikut do jetë nga 7 deri në 11 dollarë për të gjithë kohëzgjatjen e marrëveshjes.
