Prokuroria e Posaçme kundër Korrupsionit dhe Krimit të Organizuar do kalojë në sitë pasuritë e të 32 personave nën hetim dhe familjarëve e lidhjeve të afërta të tyre. Pas dëshmisë së Nuredin Dumanit, e Henrik Hoxhajt, SPAK po heton pasurinë e 8 grupeve kriminale që u goditën. Hetimi synon identifikimin e çdo pasurie: të luajtshme dhe paluajtshme të të dyshuarve, të arrestuar ose jo mbas rrëfimit.
Policia ka marrë në mbrojtje familjet e Nuredin Dumanit dhe të Henrik Hoxhës, pasi i druhen një hakmarrjeje të mundshme me bërjen e tyre “bashkëpunëtorë të drejtësisë”. Me rrëfimet e tyre, ata kanë zbardhur dhjetëra ngjarje që kanë ndodhur dekadën e fundit, duke vënë nën akuzë 32 persona, ndërsa vetëm 19 janë vendosur në pranga. Mes tyre, edhe emra të njohur të botës së krimit, si: Florenc Çapja, Ervis Martinaj, Suel Çela, etj.
