Një përmbarues privat ka shpërdoruar detyrën, duke firmosur shkresa dhe vendime për sekuestro për bllokimin e llogarive rrjedhëse të një subjekti, pa e njoftuar atë. Mësohet se është arrestuar 54-vjeçari Fatos Alimadhi, vëllai i ish deputetit Adriatik Alimadhi. Përmbaruesi Alimadhi akuzohet se së bashku me dy të tjerë kanë firmosur shkresa dhe vendime për sekuestro për bllokimin e llogarive rrjedhëse të një subjekti privat, pa e njoftuar këtë subjekt.
Mësohet se një person ka marrë kredi në emër të një subjekti dhe pas disa kohësh ka ndërruar jetë. Sipas ligjit në momentin që ndërron jetë personi që ka marrë kredinë e mbulon siguracioni i jetës. Por përmbaruesi Fatos Alimadhi i bllokoi llogaritë familjarëve të të ndjerit pa i lajmëruar. Për këtë arsye ai është në pranga.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
