Policia amerikane ka publikuar pamjet se si një oficer i bardhë ka qëlluar për vdekje në pjesën e pasme të kokës një të ri me ngjyrë pas një përleshjeje.
Incidenti ka ndodhur në 4 prillit në Michigan dhe viktima është Patrick Lyoya, 26 vjeç. Ai u ndalua nga një polic për shkak të një problemi mospërputhjeje të targave, por në një moment ka tentuar të largohet.
Oficeri, emri i të cilit nuk bëhet i ditur e ka ndjekur dhe goditur fillimisht me një pistoletë me elektroshok. Më pas ata janë përleshur dhe polici e ka qëlluar me një plumb që ka rezultuar fatal.
Ngjarja ka shkaktuar sërish protesta të njerëzve me ngjyrë. Aktualisht policia e shtetit tha se po heton për ngjarjen. ©LAPSI.al
