Para jo shumë vitesh, Edi Rama u bë gati ta padiste në gjykatë për shpifje Ramush Haradinajn, ndërsa ky e kishte akuzuar si të përfshirë në një marrëveshje me Vuçiçin për korrigjimin e kufijve dhe ndarjen e 10 miliard dollarëve në Trepçe.
Por që nga atëherë ka kaluar shumë kohë dhe gjakrat janë ftohur mes Ramës dhe Haradinajt, që sot kanë pasur një takim vëllazëror në ambjentet e kryeministrisë.
Në një prej fotove, Rama duket se vërtet po e shijon bisedën me miqtë nga Kosova, pasi është përkulur para dhe po i dëgjon me një buzëqeshje në fytyrë. Dhe nuk kish si të ndodhte ndryshe. Takimet me politikanët e Kosovës kanë qenë të rralla për Ramën që është kujdesur të ketë një marrëdhënie sa më të shëndoshë me miqtë nga Serbia, në funksion të Ballkanit të Hapur.
