Presidenti i Republikës Ilir Meta është pyetur mbi aludimet e bëra nga kryetari i PD-së Lulzim Basha se edhe ai mund të shpallet “non grata” nga SHBA. Por kreu i shtetit ka ashpërsuar sërish gjuhën se nuk mund ta shantazhojnë.
“Nëse ka ndonjë palo ambasadë që ka zgjedhur ndonjë palo politikan për t’i dhënë mesazhe Ilir Metës, ju them që Ilir Metën këtu do ta kenë. Kush ka ndonjë mesazh për Ilir Metën, le t’ja thotë vetë sepse do marrë përgjigjen që meriton.
Kush zgjedh "Krye-memexhiun" ose "Gruan e Bilalit" per t’i dhënë mesazhe Ilir Metës gabon shumë rëndë. Unë kam një axhendë dhe kam vetëm një atdhe.
Kush guxon të preke territorin shqiptar dhe të cenojë sovranitetin tonë ta ketë të qarte se do me ketë mua përballë! Këtu do me kenë te gjithë. Por asnjë nuk thotë dot qe Ilir Meta na gënjeu. Kjo është krenaria ime: Qe unë nuk kam gënjyer asnjë!” – tha Meta në Syri Tv. ©LAPSI.al
