Pas asaj që ka qenë një tjetër vit i vështirë i mbuluar nga pasiguria, shumë do të shpresojnë se viti 2022 do të jetë ndryshe.
Sipas medieve të huaja, festimet e Vitit të Ri ka gjasa të jenë pak më të heshtura këtë vit mes shqetësimeve për përhapjen e variantit Omicron të COVID-19.
Derisa festimet mund të mos kthehen në shkallët para pandemisë, nuk ka dyshim që shumë njerëz në mbarë botën do të hyjnë në vitin 2022 me një ndjenjë gëzimi dhe optimizmi.
Por kush do të jetë i pari që do ta presë vitin 2022? Cili është shteti i parë në botë që feston Vitin e Ri?
Vendi ose vendet e para në botë që shënojnë Vitin e Ri do të jenë në fakt vendet e vogla ishullore të Paqësorit, Tonga, Samoa dhe Kiribati/Ishulli i Krishtlindjeve.
Ata do të hyjnë në vitin e ri në orën 10:00 GMT (Koha Mesatare e Greenwich-it).
Vendi tjetër në rend do të jetë Zelanda e Re, e cila do ta përshëndesë 2022-shin rreth orës 10:15 GMT.
