Deputeti i opozitës Dashamir Shehi ka njoftuar se do të prezantojë të mërkurën një platformë të re të quajtur “PO, për Shqipërinë”.
Në një mesazh të publikuar në Facebook, aleati i Partisë Demokratike dhe kreu i Lëvizjes për Zhvillim Kombëtar thotë se kjo platformë e re ka karakter politiko-kultural.
“Të dashur miq, së bashku me disa aktivistë të shoqërisë civile, do të prezantoj një platformë të re politiko-kulturale: “PO për Shqipërinë”.
Kjo do të jetë një mënyrë e re e të bërit politikë ndryshe në mënyrë transparente dhe gjithëpërfshirëse” – shkruan Shehi.
