Presidentja e Komisionit Europian, Ursula von der Leyen ka përgëzuar Kosovën dhe Serbinë për arritjen e një marrëveshjeje për reciprocitetin e targave. Von der Leyen tha se ky është një zhvillim pozitiv për dy vendet dhe për të gjithë rajonin.
“E mirëpres ngrohtësisht marrëveshjen e arritur sot në Bruksel. Ky është një zhvillim shumë pozitiv që ndodhi pas takimeve me presidentin Vuçiç dhe kryeministrin Kurti. Është një gjë e mirë për të gjithë rajonin. Tani, dialogu duhet të vijojë”, shkroi Von der Leyen në Twitter.
Pas dy ditësh negociatash, lajmin e marrëveshjes së arritur e dha përfaqësuesi special i BE-së për dialogun Kosovë-Beograd, Miroslav Lajçak, në Twitter.
