Deri në fund të muajit qershor 254 ndërtime pa leje, nga Velipoja në Ksamil, priten që të rrafshohen nga fadromat e IKMT, kjo në kuadër të aksionit ‘Bregdeti ynë’ e nisur para pak ditësh nga qeveria. Qytetarët kanë 10 ditë afat pasi nuk do të ketë tolerime. Ndërsa pas muajit qershor, IKMT do të fokusohet në zonat e banuara dhe në fshatrat turistike edhe në zonat malore.
Jo vetëm qytetarët, por edhe bashkitë e vendit kanë kryer krime mjedisore. IKMT ka gjobitur 5 të tilla. Ndryshe nga herët e tjera, të gjitha inertet do të mblidhen nga institucionet shtetërore kjo për shkak të sezonit turistik.
