Ministria e Shëndetësisë në Kosovë informon se nga 1.774 testime, 17 qytetarë kanë rezultuar pozitiv të infektuar me koronavirus. Po ashtu, sipas të dhënave nga Instituti Kombëtar i Shëndetësisë Publike, raportohet se në 24 orët e fundit vetëm një pacient ka ndërruar jetë për shkak të përkeqësimit të gjendjes shëndetësore me Covid-19.
Sot janë shëruar 112 qytetarë, ndërsa numri i përgjithshëm i të shëruarve është 104.791. Në 24 orët e fundit njoftohet se janë kryer 3.480 doza të vaksinës kundër virusit.
