Prokurori i Përmetit Asllan Bajrami ka bërë kallëzim 3 ditë më parë në prokurorinë e Përmetit ku në dritaren e zyrës së tij që ndodhet në të njëjtën godinë me gjykatën e rrethit ka gjetur një fishek model kalibri 56. Pas kësaj ai ka bërë kallëzim në polici dhe është marrë në mbrojtje policore. Për këtë ngjarje është vënë në dijeni edhe Këshilli i Lartë i Prokurorisë, por nuk ka një kërkesë zyrtare për mbrojtje.
Prokurori ka deklaruar se gjatë ditëve të fundit ka marrë thirrje në celular nga numra privatë, të cilat po verifikohen tashmë nga grupi hetimor. Bajrami ka qenë me detyrë në disa rrethe të ndryshme të vendit tonë dhe kanë pasur në drejtim një sërë dosjesh hetimore. Ende nuk ka një pistë të përcaktuar për hetimet në lidhje me kërcënimin e bërë ndaj tij.
