Pak para mesnatës së të mërkurës kur ishte edhe afati i fundit për tu regjistruar në KQZ është dorëzuar koalicioni i udhëhequr nga Partia Demokratike ku bëjnë pjesë e 14 forca të tjera. Koalicioni quhet “Partia Demokratike – Aleanca për ndryshim” dhe ai do të garojë me një listë të përbashkët në 25 prill.
Pas dorëzimit të dokumentit në KQZ ka reaguar edhe kreu i PD-së Lulzim Basha. Në një postim në Facebook ai shprehet i bindur për fitoren në zgjedhje.
“Për 8 vjet Rama e ka lënë Shqipërinë vendnumëro dhe ka dështuar në çdo drejtim. Vende si yni ndërkaq kanë qenë shumë më të suksesshëm se ne. Shqipëria ka humbur për shkak të Ramës. Rama, që nuk ka arritur as edhe një sukses për 8 vjet, nuk mund të kërkojë edhe 4 vjet të tjerë që ta provojë.
Ka ardhur koha të ndryshojmë. Sot siguruam fitoren e Shqipërisë. Ne kemi plane serioze pune për ta çuar Shqipërinë drejt fitores. Aleanca për ndryshim. Shqipëria Fiton! ??✌️??✌️??✌️??”- shkruan Basha. ©LAPSI.al
