Kreu i “Nisma Thurje” Endri Shabani ka shpjeguar se pse kjo forcë politike nuk do të bëjë asnjë koalicion para zgjedhjeve të 25 prillit. Ai thekson se nuk do të jenë “patericë” e askujt dhe se synimi është që të ketë dobësim të kryetarëve dhe funksionim të institucioneve.
“Nuk do të jemi patericë e asnjë force politike. Ne po garojmë me një program e platformë ligjvënëse. Unë besoj që Lulzim Basha me LSI-në mund ta rrëzojnë Ramën, s’kanë nevojë për neve. Të thonë se janë më mirë se Rama është shumë e lehtë. Por unë them se kjo nuk mjafton. Nëse nuk kemi një dobësim të kryetarëve, të liderëve, nëse nuk kemi funksionim të institucioneve, nuk mjafton” – tha Shabani në emisionin “Open” në TCH. ©LAPSI.al
