Ish-kryeprokurori Adriatik Llalla do të gjykohet nga Gjykata e Posaçme kundër Korrupsionit dhe Krimit të Organizuar. Vendimi është marrë ditën e sotme nga Gjykata e Lartë. Llalla ka bërë vetë rekurs në Gjykatën e Lartë dhe kërkonte të gjykohej nga gjyqtarët e Gjykatës së Tiranës, por Gjykata e Lartë është mbledhur dhe ka marrë vendim për ish-kryeprokurorin.
Më herët me një urdhër të SPAK, Gjykata e Posaçme e Apelit ka vendosur në sekuestro pasuritë e Llallës:
- Apartament banimi, me sipërfaqe 67.2 m², ndodhur në Durrës;
- Tokë arë, me sipërfaqe 4.500 m², ndodhur në Tiranë;
- Tokë arë, me sipërfaqe 12.300 m², ndodhur në Tiranë;
- Tokë arë, me sipërfaqe 3000 m², ndodhur në Tiranë;
- Tokë arë, me sipërfaqe 2250 m², ndodhur në Tiranë.
