Kreu i opozitës Lulzim Basha gjatë një interviste është shprehur se, pas formimit të qeverisë së drejtuar nga PD që do dalë pas zgjedhjeve të 25 prillit, nuk do të ketë punë me Reformën në Drejtësi.
Basha është shprehur në një intervistë për News24 se, qeveria dhe PD do ti mbajnë larg duart nga Reforma në Drejtësi.
Pyetje: Kundërshtarët tuaj politik ju kanë akuzuar se ju kërkoni të zhbëni reformën në drejtësi, sa e vërtetë është?
Lulzim Basha: Reforma në Drejtësi do të vazhdojë dhe do të përshpejtohet me ritmet që i kanë munguar gjatë këtyre viteve sepse Partia Demokratike dhe unë kemi një zotim; ti mbajmë duart larg nga reforma në drejtësi. Ta zhvillojmë atë me një standard dhe të mbajmë duart larg nga reforma në drejtësi. Kjo është dhe garancia e vetme që reforma në drejtësi të përfundojë me sukses dhe të jap rezultatet për të cilat ne e votuam me konsensus dhe unanimitet pothuajse 5 vite përpara, ndaj dhe garancia e vetme që reforma ne drejtësi të ketë sukses dhe që gjyqtarët dhe prokurorët e pavarur të mos mbrojnë por të ndëshkojnë politikanët e korruptuar dhe krimin e organizuar, është Partia Demokratike, është 25 prilli, është vota e qytetarëve shqiptar për ndryshim.
Pyetje: Shumë faleminderit!
Lulzim Basha: Faleminderit ju!
