Kandidati i Vetëvendosjes për kryeministër të Kosovës, Albin Kurti ka folur për dialogun me Serbinë. Në një debat në RTV Dukagjini ai tha se kjo çështje nuk është mes 3 prioriteteve të tij qeverisëse.
“Ajo që ofrojmë ne është drejtësi dhe punësim. Janë dy çështje që i ofrojmë si qeveri e re për qytetarët e Kosovës. Sipas të gjitha matjeve të opinionit dialogu me Serbinë nganjëherë është prioriteti i 6-të e ndonjëherë i 7-ti.
Kurrë s’janë 3 të parat. Unë duhet t’u përgjigjem qytetarëve. Nuk po them që s’do të merrem edhe me atë por nuk është prioritet as i qytetarëve dhe ai i imi”, - tha Kurti.
Por çfarë do të bëjë ai me marrëveshjen e nënshkruar nga Avdullah Hoti në Uashington?
“Ne duhet të forcojmë shtetin. S’po them se s’do të dialogojmë me Serbinë, por nuk është në prioritetet e para kjo”, - shtoi Kurti pa dhënë më shumë detaje. ©LAPSI.al
