Një aksident është regjistruar mesditën e sotme në rrugën Misto Mame.
Nga ngjarja ka mbetur i plagosur një 42 vjeçar, i cili ndodhet në spital jashtë rrezikut për jetën. Drejtuesi i makinës që shkaktoi aksidentin është larguar nga vendi i ngjarjes dhe policia njofton se po punon për kapjen e personit përgjegjës.
Detaje nga policia:
Më datë 31.01.2021, rreth orës 13:40, në Misto Mame, një mjet i paidentifikuar ka aksidentuar dhe më pas është larguar nga vendngjarja shtetasin D. Gj., 42 vjeç, i cili ndodhet në spital, jashtë rrezikut për jetën.
Grupi hetimor dhe sherbimet e policisë ndodhen në vendngjarje dhe vijon puna për sqarimin e rrethanave të ngjarjes dhe identifikimin dhe kapjen e mjetit.
