Situata e pandemisë në shtetin fqinj grek po përmirësohen. Testimet e kryera nga autoritetet shëndetësore greke kanë zbuluar 262 raste të reja, ndërkohë që në spitale në intubim ndodhen 431 pacientë.Zëdhënësi i qeverisë në Athinë Stelios Petsas tha se kushtet epidemiologjike janë dukshëm më të mira se shumë vende të tjera europiane.
Ndërkohë që sot Greqia njoftoi rimbylljen totale të vendit duke filluar nga nesër që do të zgjasë të paktën për një javë. Ky vendim synon uljen e mëtejshme të rasteve të reja, lehtësimin e presionit mbi spitalet dhe lejimin e rihapjes së shkollave në 11 Janar.
